Бухоро вилоятининг Ромитан туманида валюта айирбошлаш билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, ўтказилган тезкор тадбирда валюта айирбошлаш билан шуғулланиб келган Ҳ.Ж. жами 4 минг долларини фуқаро Н.А.дан 50,4 млн сўмга сотиб олган вақтида ашёвий далиллар билан ушланган.
Департаментнинг Бухоро вилоят бошқармаси томонидан Ромитан туманида ўтказилган тезкор тадбирда валюта айирбошлаш билан шуғулланиб келган Н.Р. жами 3,5 минг долларни фуқаро Н.Д.дан 44,1 млн сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)