Ҳатто профессионаллар ҳам саҳнада ҳаяжонга берилиши мумкин. Бошқаларнинг кўз олдида бу юлдузлар саҳнада дадил турса-да, аслида қўрқув туфайли юрак уриши тезлашади. Келинг, омма олдида нутқ сўзлашдан қўрқадиган машҳурлар ҳақида гаплашайлик.
Бенедикт Камбербэтч
Актёр ўзини ҳақиқий профессионалдек тутади. Бенедикт Камбербэтч томошабинлар олдида ҳеч қачон ҳаяжонини кўрсатмайди. Аммо Бенедиктнинг дўстлари қаршилик кўрсата олмай, мухлисларга унинг сирларини айтиб беришди. Маълум бўлишича, актёр театр саҳнасига чиқишдан олдин қалтирайди. Камбербетч спектаклларда рол ўйнашни яхши кўради, лекин чиқишдан олдин жуда узоқ вақт ва жиддий тарзда тайёрланади. Баъзида ҳаяжондан саҳна ортида ўзини ёмон ҳис қилади.
Бир марта Бенедиктнинг ўзи оммавий нутқ қўрқуви ҳақида гапирганди. Интервьюда актёр саҳнада нутқ сўзлашни ҳам ёмон кўришини таъкидлайди. Масалан, мукофотлар ҳақида.
“Кўпчиликка ғалати туюлса-да, лекин мен мукофот олишни ёқтирмайман. Бу ҳаётимдаги энг даҳшатли дақиқалар эди: кўнглим айниди, бошим айлана бошлади. Ахир, саҳнага чиқишингиз, қўлингизда қандайдир ҳайкалчани эҳтиёткорлик билан ушлаб туришингиз, ёқимли ва ақлли кўринишингиз керак. Ва, энг муҳими, айтиш керак бўлган нарса. Бу нутқ мени том маънода ақлдан оздиради. Мен бундай ҳолларда нима дейишни билмайман”, — дейди актёр.
Меган Фокс
Кўринишидан, Меган Фоксда ўзини ишончли ҳис қилиш учун ҳамма нарса бор. Уни қўллаб-қувватлаётган миллионлаб мухлисларидан тортиб, пластик жарроҳлар гўзаллик стандартлари бўйича амалга оширган ёрқин кўринишга қадар. Лекин Меган бошқа машҳурлар йиғиладиган оммавий тадбирларни ёмон кўради. Йўқ, гап улар ҳақида эмас — бундай тадбирларда Фокс ўзини ортиқчадек ҳис қилади. Бу уни асабийлаштиради.
Меган ҳеч қачон театрда рол ўйнашга рози бўлмайди. Бунинг сабабини тахмин қилиш осон. Юлдузда кучли саҳна қўрқуви бор, у ҳали уни енгишга қодир эмас.
“Бунинг учун жуда жасур бўлишингиз керак, мен эса асабийман! Агар ҳаяжонланиб ўйнай олмасангиз, унда бошқа актёрларнинг ижросини ҳам чипакка чиқарасиз — театрда қайтадан суратга олишнинг иложи йўқ. Бу ниҳоятда қўрқинчли!”, — деб тушунтиради актриса.
Адель
Аделнинг 2016 йилги “Гремми” маросимидаги чиқишида микрофонлардан бири пианинодан тушиб кетади. Кўринишидан, у яхши ўрнатилмаганди. Кейин овоз билан боғлиқ муаммолар пайдо бўлади ва ижро бузилади. Адель тун бўйи йиғлайди: шундан кейин у саҳнадан янада қўрқиб қолади.
“Мен гастролларни ёқтирмайман. Саҳнага чиқишимдан олдин ваҳима кучаяди, кўпинча ўзимни касалдек ҳис қиламан. Кимдир концертимга келиш учун пул сарфлаб: ‘Эҳ, бундан кўра дискини олсам бўларди, менга ёқмади’, дейишларидан қўрқаман”, — дейди Адель ўз ҳис-туйғулари билан ўртоқлашиб.
Жим Керри
Одамлар қанчалик кулса, у шунчалик қўрқади. Жим Керри комедияларда ўйнайди ва томошабинларни хурсанд қилиш учун стендаплар ташкил қилади. Аммо улар бир неча дақиқа олдин актёр асабий равишда пешонасидаги терни артиб, ваҳимасини енгиб саҳнага чиққанини билмайди. Фаолиятининг бошида Жим психологик травмага ўхшаш нарсага дуч келган, шундан бери у саҳнадан қўрқади.
Бўлажак юлдуз бор-йўғи 15 ёшида “жуда зерикарли” ижроси учун шоудан кетишини хоҳлаб ҳуштак чалишади. Ўшанда ҳатто бошловчининг ўзи ҳам уни танқид қилган. Кейин Керри икки йил давомида саҳнани тарк этади. Актёрнинг тан олишича, муваффақиятсизлик қўрқуви уни бугунги кунгача таъқиб қилмоқда.
“Бу даҳшат эди. Залдагилар мазах қилишарди. Бир оғиз сўз айтишимга ҳам қўйишмади, тинимсиз ҳуштак чалиб, бақиришарди. Қочиб кетмаганимда ким билади, яна нима бўларди”, — даҳшат билан эслайди Жим.
Женнифер Лоуренс
Женнифер Лоуренс ҳам саҳнадаги қўрқувини тан олади. Актриса нафақат спектакллардан, балки жамоатчилик эътиборидан ҳам қўрқади — унинг ижтимоий тармоқларда йўқлигининг сабаби ҳам шунда. Мухлислар эътиборининг ортиши ва нафратланувчиларнинг танқиди юлдуз учун катта стрессдир. Женнифер қизиқувчан кўзлардан узоқда, тинч ҳаёт тарзини яхши кўради.
Лоуренс фобия билан курашишнинг ўзига хос усулларини ўйлаб топган. Актриса ўзини хаёлий дунёда деб тасаввур қилади ва унинг саҳнадаги танаси шунчаки аватар ёки ҳайкалчадир. Компьютер ўйинидаги каби. Бу фантазия Женниферга қўрқувини енгишга қандай ёрдам бериши аниқ эмас, аммо усул қизиқарли кўринади.
Изоҳ (0)