Иқлим ўзгариши инсоният учун ягона экзистенсиал таҳдиддир. Бу фикрни АҚШ президенти Жо Байден Атлантада давлат раҳбари лавозимига номзод Дональд Трамп билан бу йилги сайловолди биринчи теледебатида сўзлаган нутқида билдирди.
“Трамп атроф-муҳит учун заррача иш қилгани йўқ. У президентлик пайтида АҚШ иқлим бўйича Париж келишувидан чиқиб кетган. Мен дарҳол унга қўшилдим, чунки агар Ер шарининг исталган нуқтасида ҳарорат Цельсий бўйича 1,5 даражага кўтарилса, бу жараённи ортга қайтариб бўлмайди. Инсоният учун ягона экзистенсиал таҳдид иқлим ўзгариши бўлади. Трамп бу борада ҳеч қандай иш қилмаган. У мен амалга оширган ҳамма нарсани бекор қилмоқчи”, — дея таъкидлади АҚШ президенти.
АҚШда президентлик сайловлари шу йилнинг 5 ноябрь куни бўлиб ўтади. Тўрт йил олдин, Байден қайта сайланишга интилаётган Трампни сайловда мағлуб этиб, президент бўлганди. Бу сафарги сайловларда ҳам кураш худди шу номзодлар ўртасида бўлиши кутилмоқда.
Изоҳ (0)