Iqlim o‘zgarishi insoniyat uchun yagona ekzistensial tahdiddir. Bu fikrni AQSH prezidenti Jo Bayden Atlantada davlat rahbari lavozimiga nomzod Donald Tramp bilan bu yilgi saylovoldi birinchi teledebatida so‘zlagan nutqida bildirdi.
“Tramp atrof-muhit uchun zarracha ish qilgani yo‘q. U prezidentlik paytida AQSH iqlim bo‘yicha Parij kelishuvidan chiqib ketgan. Men darhol unga qo‘shildim, chunki agar Yer sharining istalgan nuqtasida harorat Selsiy bo‘yicha 1,5 darajaga ko‘tarilsa, bu jarayonni ortga qaytarib bo‘lmaydi. Insoniyat uchun yagona ekzistensial tahdid iqlim o‘zgarishi bo‘ladi. Tramp bu borada hech qanday ish qilmagan. U men amalga oshirgan hamma narsani bekor qilmoqchi”, — deya ta’kidladi AQSH prezidenti.
AQSHda prezidentlik saylovlari shu yilning 5-noyabr kuni bo‘lib o‘tadi. To‘rt yil oldin, Bayden qayta saylanishga intilayotgan Trampni saylovda mag‘lub etib, prezident bo‘lgandi. Bu safargi saylovlarda ham kurash xuddi shu nomzodlar o‘rtasida bo‘lishi kutilmoqda.
Izoh (0)