Илм-фан одамларда тил ўрганишга туғма мойиллик бор-йўқлигини ҳозирча исботлагани йўқ. Аммо керакли натижага яқинлашишга ёрдам берадиган омиллар мавжуд.
Оддийроқ матнларни ўқинг
Агар яқинда чет тилини ўрганишни бошлаган бўлсангиз, мураккаб матнларни ўқишга шошилманг. Аввалига болалар ҳикояларидан бошланг. Масалан, ака-ука Гриммларнинг дунёнинг кўплаб тилларига таржима қилинган машҳур асарларини қайта ўқишингиз мумкин. Шунингдек, сюжетини аллақачон билган китоблардан бошлаган маъқул.
Х (собиқ Twitter) саҳифаларини варақлаш ҳам чет тилини яхшилашга ёрдам беради. Ушбу ижтимоий тармоқда кўплаб қисқа хабарлар мавжудлиги сабабли уларнинг моҳиятига эътибор қаратиш ва янги сўзларни эслаб қолиш узоқ, мураккаб материалларни ўқишдан кўра осонроқ бўлади.
Бундан ташқари, ҳар куни чет тилида ўқиш мияни машқ қилдиради ва кейинчалик ўқув жараёнидаги иштирокингизга фойдали таъсир кўрсатади. Ҳар сафар кўпроқ нарсани тушунасиз. Бу шуни англатадики, ўқиш сиз учун янада қизиқарли бўлади.
Қийин сўзларни стикерларга ёзинг
Ҳар бир киши тил ўрганаётганда эслай олмайдиган сўзлар бўлади. Уларни стикерларга ёзинг ва қоғозларини уйнинг тез-тез кўзингиз тушадиган жойларига ёпиштиринг: ойна, шкаф, музлаткич ва бошқалар — бундай сўзлар хотирада жуда тез сақланади.
Барча гаджетларни чет тилига созлаб қўйинг
Бу сўз бойлигингизни тез ва осон тўлдиришга ёрдам беради. Мисол учун, телефон созламаларига тез-тез кирсангиз, доимий равишда ушбу сўзни чет тилида учратасиз. Натижада бу сўзларнинг барчаси жуда тез эслаб қолинади.
Бошида бир оз қийин бўлса, умидсизликка тушманг. Телефонингизда керакли функцияни топиш ва керакли сўзни эслаб қолиш учун онлайн таржимондан фойдаланинг.
Ўзингизни керакли тилдаги аудиомаълумотларни тингланг
Тил ўрганишдаги асосий муаммо шундаки, онгостимиз уни тушунарсиз ва бегона нарса сифатида қабул қилади. Янги нутққа кўникиш учун керакли тилдаги телевизион каналлардан, қизиқарли подкастлардан ёки юлдузлар билан интервьюлардан фойдаланинг. Уй юмушларини бажараётганда ёки дам олаётганда уларни тингланг. Ҳар бир нотаниш сўз устида тўхталиб ўтиш шарт эмас. Фақат нутқни тингланг.
Чет тилида ўзингиз ёқтирган машғулотни қилинг
Барча севимли машғулотларингизни тил ўрганишга мослаштиришга ҳаракат қилинг. Севимли фильмларингизни чет тилида субтитрлар билан томоша қилинг, қўшиқларни ўзингиз таржима қилинг, хаёлий суҳбатдош билан мулоқот қилинг — она тилида сўзлашувчининг олдида дудуқланиш ва хижолат бўлишдан кўра осонроқ.
Агар бирон бир севимли машғулотингиз бўлса, у ҳақида мақолаларни ўқинг. Ёки дўстингиз билан чет тилида ёзишинг.
Ўзингиз билан чет тилида гаплашинг
Уйда кечки овқат учун фойдаланадиган маҳсулотларни ўрганаётган тилингизда айтинг, сайр пайтида кўрган нарсаларингиз ҳақида гапиринг, онангиз билан яқинда бўлган суҳбатни такрорланг ва ҳоказо.
Аста-секин сиз тобора кўпроқ ўзингизга саволлар беришни бошлайсиз: Қизиқ, бу сўз инглиз тилида (немис ва бошқа) қандай бўлади? Бу сабзавот ёки меванинг номи нима?
Изоҳ (0)