Футбол бўйича Европа Чемпионатининг D гуруҳида Польша ва Австрия терма жамоалари 21 июнь, жума куни ўзаро баҳс олиб борди.
Учрашувнинг 9-дақиқасида Траунер ҳисобни очди. 30-дақиқада эса Пиатек ҳисобни тенглаштирди. Биринчи бўлим дуранг натижа билан якунланди.
Иккинчи бўлимни австрияликлар фаолроқ бошлади. 66-дақиқага келиб, Баумгартнер ажойиб ҳужумни гол билан якунлади. 78-дақиқада Марко Арнаутович пенальтидан унумли фойдаланиб, ҳисобни ишончли кўринишга олиб келди.
Қолган дақиқаларда гол урилмади ва Австрия 3:1 ҳисобидаги ғалабани расмийлаштирди.
Евро—2024
2-тур
21 июнь, жума
Польша – Австрия 1:3
Голлар: 0:1 – 9 Траунер, 1:1 – 30 Пиатек, 1:2 – 66 Баумгартнер, 1:3 – 78, пеналъти Арнаутович.
Польша: Шченсни, Давидович, Беднарек, Кивер, Франковски, Залевски, Зелинъски, Петровски (Модер, 46), Слиш (Гросиски, 75), Букса (Свидерски, 60), Пиатек (Левандовски, 60).
Австрия: Пенц, Пош, Траунер (Данзо, 59), Линхарт, Мвене (Прасс, 63), Забицер, Лаймер, Гриллич (Виммер, 46), Баумгартнер (Шмид, 81), Зайвалд, Арнаутович (Грегорич, 81).
Оогҳлантиришлар: Слиш (53), Виммер (56), Модер (62), Левандовски (64), Арнаутович (70), Шченсни (77).
Изоҳ (0)