“Дарё” нашрига “Хоразм йўловчи ташишни мониторинг ва назорат қилиш” давлат муассасасининг 25 нафар ходими 6 ойдан буён ойлик ололмаётгани ҳақида мурожаат келиб тушган эди.
Ҳолат юзасидан Хоразм вилояти транспорт бошқармаси изоҳ берди.
Ўзбекистон президентининг 2024 йил 25 мартдаги “Жамоат транспортини молиялаштириш тизимини такомиллаштириш бўйича қўшимча чора-тадбирлар тўғрисида”ги қарори билан мазкур давлат муассасасининг функция ва вазифаларига ўзгартиришлар киритилган ҳамда жорий йилнинг 1 май санасидан “Хоразм йўловчи ташишни мониторинг ва назорат қилиш” давлат муассасасининг ташкилий тузилмаси қайта тасдиқланди.
Бугунги кунда, тасдиқланган штат жадвалига асосан “Хоразм Йўловчи ташишни мониторинг ва назорат қилиш” давлат муассасаси ходимларининг ойлик маошларини тўлаб бериш мақсадида Транспорт вазирлиги, Молия вазирлиги ҳамда вилоят молия бошқармаси билан амалий ишлар олиб борилиб барча ҳисоб-китоблар Молия вазирлигига тақдим қилинган, — дейилади бошқарма ахборотида.
Қўшимча қилинишича, жорий йилнинг июнь ойи якунига қадар барча ходимларга январь май ойларидан бўлган ойлик маошидан қарздорлиги ҳамда июнь ойи ойлик маоши бўйича ҳисоб-китоблар тўлиқ тўлаб берилади.
Изоҳ (0)