Тошкентда юк машинаси уриб юборган боғча боласи вафот этди. Бу ҳақда “Миллар” информацион дастурида маълум қилинди.
Қайд этилишича, 11 июнь куни Тошкент шаҳар ИИББ Навбатчилик қисмига Учтепа тумани Кўкча дарвоза кўчасида йўл-транспорт ҳодисаси юз бергани тўғрисида хабар келиб тушган.
“ЗиЛ” ҳайдовчиси хусусий боғча қаршисидан ҳаракатланиб кетаётган вақтида 2021 йилда туғилган болани уриб юборган. Натижада 3 ёшли бола олган тан жароҳатлари сабаб вафот этган.
Гувоҳнинг сўзларига кўра, марҳум болакай акасини кўриб, тарбиячисининг қўлидан чиқиб кетган.
Ҳайдовчи ҳам кўрмаган, чунки у ҳам шок ҳолатида эди, — дейди гувоҳ.
Ҳозирда мазкур ҳолат юзасидан Тошкент шаҳар ИИББ Тергов бошқармаси томонидан терговга қадар суриштирув ишлари олиб борилмоқда.
- Аввалроқ Тошкент шаҳар Яшнобод туманида Captiva уриб юборган пиёда воқеа жойида ҳалок бўлганди.
- Шунингдек, Самарқандда “КамАЗ” аёл ва унинг икки фарзандини уриб юбориши оқибатида болалар воқеа жойида ҳалок бўлгани тўғрисида хабар берилган эди.
Изоҳ (0)