“2026 йилги Жаҳон чемпионатига чиқиш Фаластинга ўзини бутун дунёга танитиш имкониятини беради”— терма жамоа ярим ҳимоячиси Муҳаммад Рашид

Ярим ҳимоячи Муҳаммад Рашид Фаластин терма жамоаси ЖЧ—2026 да иштирок этишини истамоқда.

“Бу орзу, катта орзу. Биз ҳаммамиз буни жуда хоҳлаймиз, ҳеч бўлмаганда бунга яқинлашишни хоҳлаймиз. Чунки бу бизга Фаластинни бутун дунёга эълон қилиш имкониятини беради. Жаҳон чемпионати бунинг учун энг катта платформа ҳисобланади.

Бу футбол, ​​бу ерда ҳамма нарса бўлиши мумкин. Аммо бунга эришиш учун кўп ишларни қилишимиз керак.

Мухлислар томонидан қўллаб-қувватлашни кўриш биз учун катта мотивация. Уруш давом этаётган бўлса ҳам, Ғазо ва бутун Фаластинда ўйинларни томоша қилаётган одамларнинг суратларини кўрасиз. Бу бизга катта умид бахш этади. Умид қиламанки, бу бизни давом этишга ундайди. Биз ҳудудда тинчлик ҳукм суриши учун ибодат қиламиз”, — деди ярим ҳимоячи The Guardian нашрига берган интервьюсида.

Жамоа саралашнинг иккинчи босқичидаги бешта ўйиндан сўнг жамоа Австралия, Ливан ва Бангладеш билан гуруҳда иккинчи ўринни эгаллаб турибди. Фаластин тарихда биринчи марта саралашнинг учинчи босқичга чиқишини кафолатлаган. Фаластин терма жамоаси бугун, 11 июнь санасида Австралияга қарши майдонга тушади.