“Толибон” Афғонистон ва Россия терма жамоалари ўртасидаги футбол учрашувини ўтказиш истагини билдирди.
Бу ҳақда Афғонистон муваққат ҳукуматида меҳнат ва ижтимоий алоқалар вазири вазифасини бажарувчи Абдул Умарий маълум қилди.
Умарийнинг сўзларига кўра, Афғонистон футбол жамоаси яхши ўйин кўрсатмоқда ва Осиёдаги турнирларда муваффақиятли қатнашмоқда.
“Биз мамлакатларимиз ўртасидаги футбол турнирини интиқлик билан кутмоқдамиз”, — дея Умарийнинг сўзларидан иқтибос келтирган РБК ТАСС агентлигига таяниб.
Маълумот учун, Афғонистон терма жамоаси 2026 йилги Жаҳон чемпионати саралаш учрашувларида қатнашмоқда. 6 июнь куни Қатарга қарши бўлиб ўтган учрашувда дуранг ўйнаган афғонлар А гуруҳида 5 очко тўплаб, учинчи ўринда бормоқда.
Афғонистон терма жамоаси ФИФА рейтингида 151-ўринни эгаллаб турибди.
Изоҳ (0)