Германияда бўлиб ўтадиган 2024 йилги Европа чемпионатининг Ўзбекистон ҳудудидаги расмий трансляция ҳуқуқини ЗЎР TV сотиб олган эди.
Аввалроқ Даврон Файзиев ҳамда Хайрулла Ҳамидов вақтинчалик шартнома асосида Зўр TV билан ҳамкорликда ўйинларни шарҳлаши маълум бўлган эди.
Даврон Файзиев бугун эълон қилган видео орқали ушбу мусобақа шарҳига шарҳловчи сифатида Алишер Узоқов жалб қилинганини маълум қилди.
4 июнь куни Дарё мухбири билан суҳбатда Алишер Узоқов шарҳга қайтиши борасидаги саволга жавобни очиқ қолдирган эди.
Шарҳловчи ва актёр Алишер Узоқов собиқ Футбол TV орқали футбол учрашувларини шарҳлаган.
Маълумот учун, Евро—2024 мусобақаси 14 июнда бошланиб, 14 июлгача давом этади. Мусобақага Германиянинг 10 шаҳри мезбонлик қилади.
Изоҳ (0)