Тошкент шаҳридан Қирғизистоннинг Чўлпонота (Иссиқкўл) курорт шаҳригача 10 июндан бошлаб мавсумий автобус қатновлари бошланади.
![](/static/2024/06/04/cholpon-blGGnbpz.jpg)
Транспорт вазирлиги матбуот хизматининг хабар қилишича, қатновлар ойнинг жуфт кунларида (кун ора) Yutong автобусларида амалга оширилади. Автобус соат 15:00 да Тошкент автовокзалидан жўнайди.
Чипта нархи 300 минг сўм этиб белгиланган.
Ушбу халқаро автобус йўналиши 2022 йилнинг июнида очилган. Саёҳат вақти 20 соат, йўналиш узунлиги 1060 километрни ташкил қилади.