Nigeriyada 30-may kuni hukumatga muxolif guruh tomonidan uyushtirilgan terakt oqibatida kamida 11 nafar fuqaro halok bo‘ldi. Bu haqda Al-Jazeera nashri xabar berdi.
Qurolli hujum Nigeriya janubidagi Abia shtatida yuz bergan. Shtat chegarasidagi o‘tkazuv punktiga kutilmagan hujum uyushtirilgan.
Rasmiylar hujumda mahalliy biafra qabilasi aʼzolaridan tuzilgan qurolli otryadlarni ayblagan. Ushbu guruh uzoq vaqtdan beri hukumatdan mustaqillik talab qilib kelishi aytilgan.
Hujum sodir etilgan Aba shahri chekkasidagi Obikabiya chorrahasida olti nafar tinch aholi va besh askar halok bo‘lgani tasdiqlangan. Isyonchi guruhni to‘la qurollantirish uchun harbiylar harakat boshlagani aytilgan.
“Harbiylar bu hodisaga javobi shiddatli bo‘ladi. Guruhning to‘liq mag‘lubiyatini taʼminlash uchun biz ularga katta harbiy bosim o‘tkazamiz “, — degan hukumat rasmiylari.
Biafra guruhi qurolli hujum uchun javobgarlikni o‘z bo‘yniga olmagan. Tinch aholi o‘limiga sabab bo‘ladigan har qanday qurolli harakatlarga aloqadorligini rad etgan.
- Maʼlumot o‘rnida, Abia shtati tub yerli aholisidan tuzilgan qurolli otryadlar Nigeriya janubida 1967-yil 30-may kuni mustaqil Biafra davlati tashkil etilganini eʼlon qilgan.
- Bunga javoban Nigeriya markaziy hukumati unga nisbatan urush eʼlon qilgan. Uch yil davom etgan fuqarolar urushi oqibatida mustaqil Biafra tugatilgan.
- Harbiy harakatlar oqibatida 1967—1969-yillarda bir millionga yaqin kishi halok bo‘lgani aytiladi.
- Urush yakunida Abia maʼmuriyati 30-may kunini shtat hududida milliy motam kuni deb eʼlon qilgan.
- Aynan milliy xotira kunida terakt sodir bo‘lishi Nigeriya hukumatini tub yerli aholidan shubhalanishga undagan.
Izoh (0)