Tesla бошдан кечираётган қийинчиликлар америкалик миллиардер Илон Маскнинг бошқа компанияларига таҳдид солмоқда, дея Bloomberg хабар берди.
Хабарга кўра, Tesla акциялари пасаймоқда ва ишдан бўшатишлар кўпаймоқда, ходимларнинг маънавиятига путур етган, савдолар эса суст. Баъзи инвесторлар компанияни “ақлсиз раҳбар” бошқараётганини айтишган.
Teslaъдан ташқари Илон Маск SpaceX хусусий ракета ва сунъий йўлдош етказиб берувчиси, Х ижтимоий тармоғи, Boring Cо., Neuralink стартапи ва АI стартапи хАI’ни бошқаради.
Аввалроқ Electrek нашри Tesla бутун дунё бўйлаб ўз ходимларининг 10% дан кўпроғини ишдан бўшатиш режалари ҳақида хабар берган эди. Маск ходимларга йўллаган мактубида Teslaънинг тез ўсиши натижасида баъзи соҳаларда роллар ва иш функцияларининг такрорланиши содир бўлганини ва қисқариш компанияга ўсиш босқичининг кейинги циклига тайёр бўлишига имкон беришини таъкидлаган.
Шу билан бирга, электр транспорт воситаларини етказиб беришда пасайиш кузатилган. 2024 йилнинг биринчи чорагида Tesla қарийб 387 мингта электромобиль етказиб берган, бу ўтган йилнинг шу даврига нисбатан 8,5 фоизга кам.
1 май куни Reuters агентлиги Маск Supercharger зарядлаш тармоғини ривожлантириш бўйича деярли бутун жамоани ишдан бўшатиб, концерн ишлаб чиқарувчилари ва етказиб берувчиларини ноаниқликда қолдирганини маълум қилган.
Изоҳ (0)