Москва ва Киев ўртасидаги маҳбуслар алмашинуви “Украинанинг узоқ талаблари” туфайли тўхтатилди. Бу ҳақда РФ Инсон ҳуқуқлари бўйича комиссари Татьяна Москалькова хабар берди.
Афсуски, бир неча ойдан бери доимий равишда янги талабларни илгари сураётган Украина туфайли асирлар алмашинуви тўхтатилди, — дейди омбудсман.
Унинг қўшимча қилишича, Москва Халқаро Қизил Хоч жамияти ва Украина Омбудсмани билан алоқада. Эришилган сўнгги келишув уйдан жўнатма ва хатларни маҳбусларга ўтказиш бўлган. Москалькованинг тушунтиришича, бундай гуманитар коридор Россия ҳукумати томонидан қўллаб-қувватланади.
“100-100 формула”си бўйича сўнгги маҳбуслар алмашинуви Бирлашган Араб Амирликлари воситачилигида жорий йилнинг февралида бўлиб ўтган эди. Бу Белгород яқинида Ил-76 самолёти ҳалокатга учраганидан кейин иккинчи маҳбуслар алмашинуви бўлган.
207 нафар ҳарбий хизматчи 24 январь куни топширилиши керак эди. Улар орасида Ил-76 да ҳалок бўлган 65 кишининг ҳеч бири йўқ эди, — дейди Украина ҳарбий асирлар масалаларини мувофиқлаштириш штабининг вакили Пётр Яценко.
Россия президенти Владимир Путин самолёт ҳалокатига қарамай, Россия ва Украина ўртасида асирлар алмашинуви давом этишини маълум қилган.
Алмашинувни тўхтатмаймиз, биз ҳарбийларимизни қайтариб олишимиз керак, — деди Путин.
Изоҳ (0)