Таиландда собиқ бош вазир Тҳаксин Шинаватра қиролни ҳақорат қилгани учун судланди. Бу ҳақда Таиланд Бош прокуратураси хабарига асосланиб, China Daily нашри хабар берди.
Манбада айтилишича, собиқ бош вазир 2015 йилда, сургунда юрган пайтда Жанубий Корея ОАВларига берган интервьюси айблов учун асос бўлган. Сиёсатчи ҳукуматни ва раҳбариятни асоссиз равишда танқид қилганликда айбланган.
Таиланд бош прокурори матбуот котиби Прают Печаракуннинг айтишича, 74 ёшли Тҳаксин Таиланднинг дунёдаги энг қаттиқ қонунлардан бири бўлган lese-majeste қонуни бўйича айбловларга жавоб бериш учун 18 июнь куни судга чақирилди. Собиқ бош вазир, шунингдек, рақамли жиноят тўғрисидаги қонунни бузганликда айбланмоқда.
Таниқли телекоммуникация магнати Тҳаксин Шинаватра илк бор 2001 йилда бош вазир этиб сайланган. Бироқ беш йил ўтиб, шаҳар ўрта синфининг оммавий норозиликлари ва ҳарбий тўнтариш натижасида лавозимидан четлатилган.
“Бош прокурор Тҳаксинни монархияни ҳақорат қилганликда айблашга қарор қилди”, — деган бош прокуратура матбуот котиби журналистларга.
Тҳаксин ўтган йилнинг август ойида қизи бошчилигидаги “Феу Тай” партияси сайловда ғалаба қозониши ортидан Таиландга қайтган эди. Партия раҳбарияти собиқ бош вазирнинг мамлакат учун саросима келтирмаслигини кафолатлашини маълум қилган.
Тҳаксин Шинаватра телекоммуникация соҳасида бойиб кетган миллиардер ҳисобланади. Таиландда унинг кўплаб тижоратлари ва кўчмас мулклари ҳали ҳам у раҳбарлик қилувчи оила томонидан бошқарилиши айтилади.
Изоҳ (0)