WBO reytingi yangilandi. Hasanboy Do‘stmatov pastladi, Shahram G‘iyosov va Bahodir Jalolov o‘z o‘rnida qoldi

Butunjahon boks tashkiloti (WBO) may oyi uchun yangilangan reytingni e’lon qildi. 

Unga ko‘ra, o‘tgan oyda 6-o‘rinda qayd etilgan Hasanboy Do‘stmatov bir pog‘ona pastlab, 7-o‘ringa joylashdi. Olimjon Nazarov o‘tgan oydagidan bir pog‘ona yuqorilab, 4-o‘rinni egalladi. Ushbu vazn toifasida chempionlik kamari hozircha vakant hisoblanadi.

Murodjon Ahmadaliyev ham o‘z vazn toifasida reytingda bir pog‘ona ko‘tarilib, 5-o‘ringa joylashdi. Aynan shu vaznda jang qiladigan yana bir o‘zbekistonlik bokschi ham bir pog‘ona yuqorilab, 6-o‘ringa joylashdi. 

Bektemir Meliqo‘ziyev ham pir pog‘ona yuqorilab, 9-o‘rinni egalladi. 
Tajribali o‘zbekistonlik bokschilar Shahram G‘iyosov hamda Bahodir Jalolovning o‘rni o‘zgarishsiz qoldi.

Reytingdan 7 nafar o‘zbekistonlik bokschi joy olgan:

• Hasanboy Do‘stmatov (birinchi o‘ta yengil vazn (48,8 kg): o‘tgan oydagidan bir pog‘ona pastlab, 7-o‘ringa joylashdi;
• Olimjon Nazarov (o‘ta yengil vazn toifasi - 50,8 kg) o‘tgan oydagidan bir pog‘ona yuqorilab, 4-o‘rinni egalladi;
• Murodjon Ahmadaliyev (birinchi yarim yengil vazn toifasi - 55,3 kg) o‘tgan oydagidan bir pog‘ona yuqorilab, 5-o‘rinni egalladi;
• Muhammad Shexov (birinchi yarim yengil vazn toifasi - 55,3 kg) o‘tgan oydagidan bir pog‘ona yuqorilab, 6-o‘rinni egalladi;
• Shahram G‘iyosov (yarimo‘rta vazn toifasi - 66,6 kg) o‘tgan oydagi kabi 2-o‘ringa joylashdi;
• Bektemir Meliqo‘ziyev (super o‘rta vazn - 76,2 kg) o‘tgan oydagidan bir pog‘ona yuqorilab, 9-o‘rinni egalladi;
• Bahodir Jalolov (super og‘ir vazn - 90,7 kg) o‘tgan oydagi singari 15-o‘rinda qoldi.