Joriy yilning 15-may kuni George Fox Universiteti (AQSH) va Toshkent Kimyo xalqaro universiteti o‘rtasida imzolangan hamkorlik memorandumi o‘zaro aloqalarning yangi bosqichini boshlab berdi. Bu hamkorlik o‘tgan yil may oyida universitet rahbariyatining Amerika Qo‘shma Shtatlariga tashrifi davomida muhokama qilingan edi.
O‘zaro hamkorlik memorandumi Toshkent Kimyo xalqaro universitetining rektori v.b., professor Karimjon Axmedjanov va George Fox universitetining muhandislik yo‘nalish bo‘yicha prorektori, professor Robert Harder o‘rtasida imzolandi. Memorandum ikki universitet o‘rtasida taʼlim va ilmiy tadqiqotlar sohasida o‘zaro hamkorlikni mustahkamlash maqsadida imzolandi.
Hamkorlik doirasida talabalar va o‘qituvchilar almashinuvi, qo‘shma tadqiqot loyihalari va ilmiy konferensiyalar tashkil etish ko‘zda tutilgan. Taʼkidlash joizki, bu o‘z navbatida universitetlar o‘rtasidagi ilmiy va akademik aloqalarni yanada kengaytirishga xizmat qiladi. Shuningdek, ushbu dastur orqali talabalar global miqyosda taʼlim olish va o‘z sohalarida xalqaro tajriba orttirish imkoniyatiga ega bo‘ladilar.
Ushbu hamkorlikning kelajakdagi natijalari ikki universitet jamoalarining saʼy-harakatlari va qo‘llab-quvvatlovi bilan yanada samarali bo‘lishi kutilmoqda. Tomonlarning bu qadamini taʼlim va ilm-fan sohasidagi xalqaro hamkorlikning ajoyib misoli sifatida baholash mumkin.
Onlayn hujjat topshirish: https://admission.kiut.uz/
Bakalavriat: admission.kiut.uz
Magistratura: masters.kiut.uz
- +99878 29-40-40 (ichki raqam – 1).
- Sayt: www.kiut.uz
- Telegram
Reklama huquqi asosida.
Izoh (0)