Қозоғистон Россияни четлаб ўтиб, уран экспорти йўналишларини диверсификация қилиш имкониятларини ўрганмоқда. Бу ҳақда Palubа Меdiа хабар берди.
Қозоғистоннинг 2023 йилга мўлжалланган ёқилғи-энергетика комплексини ривожлантириш концепциясини амалга ошириш тўғрисидаги ҳисоботига кўра, “Казатомпром” Хитойнинг CNUC, CNEIC вa CNNC компаниялари билан Хитой орқали уран транзити хизматларини кўрсатиш бўйича келишув устида ишламоқда.
Қозоғистон ҳозирда уран маҳсулотларини Шимолий Америка ва Европадаги истеъмолчиларга Санкт-Петербург порти орқали етказиб беради. Транскаспий халқаро транспорт маршрутидан Актау (Қозоғистон), Алят (Озарбайжон) ва Поти (Грузия) портлари орқали жўнатишнинг альтернатив усули ҳисобланади.
2023 йилда Қозоғистонда 21,112 минг тонна уран ишлаб чиқарилган, бу 2022 йилга нисбатан 1 фоизга кам. “Казатомпром” ва унинг шўба корхоналари савдоси ўтган йили 10 фоизга ошиб, 18 069 минг тоннани ташкил этган, бир фунт уран концентратининг ўртача сотиш нархи 27 фоизга ошиб, 55,06 долларни ташкил этган.
Аввалроқ “Казатомпром” Россия ҳудуди орқали маҳсулотларни экспорт қилиш Россия орқали транзит билан боғлиқ хавфларни келтириб чиқариши, шунингдек, логистика чекловлари импорт нархини ошириши мумкинлиги ҳақида хабар берган эди. Компания доимий равишда санкцияларнинг тайёр маҳсулотни ташиш қобилиятига таъсирини кузатиб бормоқда.
Изоҳ (0)