Тошкент шаҳри Сергели туманида яшовчи 37 ёшли Ф.Я. ички ишлар органларига мурожаат қилиб, банк картасидан 1 млн сўм миқдоридаги пул маблағлари номаълум шахс томонидан ўзлаштирилганлигини маълум қилган. Бу ҳақда Киберхавфсизлик маркази хабар берди.
Маълум қилинишича, ўтказилган тезкор-қидирув тадбирлари натижасида мазкур жиноятни Сурхондарё вилояти Қумқўрғон туманида яшовчи 23 ёшли С.М. содир этганлиги аниқланди.
Гумонланувчи сифатида тергов органларига жалб этилган С.М. жабрланувчи Ф.Я. билан Telegram орқали танишиб, уни 50 млн сўмгача онлайн микроқарз олиб беришга қизиқтирган ва хизмат ҳақи сифатида олдиндан 1 млн сўм ўтказиб олган. Натижада на онлайн микроқарз, на 1 млн сўм қайтарилганлиги маълум бўлди.
Мазкур ҳолат юзасидан С.М.га нисбатан ЖКнинг 168-моддаси (фирибгарлик) 3-қисми билан жиноят иши қўзғатилди.
Изоҳ (0)