Туркия ҳукумати 8 май куни Ғазо секторига 1900 тоннадан ортиқ гуманитар ёрдам жўнатган. Бу ҳақда Anadolu нашри хабар берди.
Манбада айтилишича, “Яхшилик кемаси” дастури доирасида озиқ-овқат, саломатлик, гигиена ва бошпана воситаларни ўз ичига олган гуманитар юклар кема орқали Ғазога жўнатилган. Кема Мерсин порти орқали жўнаб кетган.
“Туркия Табиий офатлар ва фавқулодда вазиятларни бошқариш бошқармаси (АФАД) раҳбарлигида Мерсин халқаро портидаги “Туркия-Қатар-Ғазо яхшилик кемаси”га озиқ-овқат, саломатлик, гигиена ва бошпана воситаларидан иборат жами 1900 тонна инсонпарварлик ёрдами юкланди”, — Туркия бошқармаси расмий баёнотида.
Мерсин халқаро портида тайёргарлик ишлари якунлангандан сўнг, кема соат 15:00 да жўнаб кетган. У Мисрдаги Ал-Ариш портигача камида 40 соат сузиши айтилган.
Ҳозиргача Туркия Соғлиқни сақлаш вазирлиги, Вақфлар бошқармаси, Турк Қизил ярим ой жамияти ва нодавлат ташкилотлар ҳамкорлигида 13 та самолёт ва 10 та кема билан Ғазога жами 52 минг 16 тонна турли гуманитар ёрдам материаллари етказилгани хабар қилинган. Келгусида Анқара бу ёрдамни янада кўпайтириши хабар қилинган.
Изоҳ (0)