Ғазодаги кўплаб фаластинлик оилалар кунига бир маҳал овқат билан кифояланишга, ҳафталар давомида сабзавот емасликка ва бир кишилик таомни бир нечта одам ўртасида бўлашишга мажбур, дея Euronews хабар берди.
Уруш бошланганига деярли етти ой бўлмоқда. У ерга келаётган ёрдам юк машиналари сони эса кескин камайган.
Исроил томонидан озиқ-овқат таъминотига қўйилган қаттиқ чекловлар фонида анклавнинг шимолий қисмида энг қийин вазият юзага келган. БМТ Жаҳон озиқ-овқат дастури раҳбари Синди Маккейн “тўлиқ миқёсли очарчилик” кузатилаётгани ҳамда у жанубни ҳам қамраб олаётганини айтган.
2,3 миллион аҳоли истиқомат қилаётган ҳудудда гуманитар фалокатни тўхтатиш учун урушни тўхтатиш, Ғазога қуруқлик ва денгиз йўллари орқали етиб борувчи гуманитар ёрдам ҳажмини ошириш зарур, — деди у.
Гуманитар ёрдамни Исроил назорат пункти орқали қуруқликдан етказиб бериш йўлга қўйилганига бир неча бор ишонтирган. 5 апрель куни асосий ўтказиш пункти “Керем Шалом” ҲАМАС жангчиларининг ҳужумидан кейин ёпилган.
АҚШ Халқаро тараққиёт агентлигига кўра, ёрдам Ғазо шимолига март ойидан бери етиб келмаган.
Изоҳ (0)