Қирғизистон Вазирлар Маҳкамаси раиси – Президент администрацияси раҳбари Ақилбек Жапаровнинг Ўзбекистонга ташрифи доирасида Қирғизистоннинг Тошкент шаҳридаги элчихонаси янги биносининг очилиш маросими бўлиб ўтди. Бу ҳақда Ўзбекистон бош вазирининг матбуот котиби хабар берди.
Қайд этилишича, икки мамлакат бош вазирлари рамзий тасмани кесиб, Қирғизистон дипломатик ваколатхонаси биносини очиб берган. Элчихонада дипломатлар учун яратилган шароитлар билан танишган.
Шунингдек, Абдулла Арипов ва Ақилбек Жапаров икки мамлакатлар ҳамда қардош халқлар ўртасидаги дўстлик муносабатларини мустаҳкамлашга интилиш рамзи сифатида икки туп дарахт эккан. Элчихона Фахрий меҳмонлар китобига ўз тилакларини ёзиб қолдирган.
- 2023 йилнинг ноябрида Зафарбек Аҳмедов Қирғизистоннинг Ўш шаҳрига Ўзбекистоннинг биринчи бош консули этиб тайинланганди.
- Декабрь ойида эса Қирғизистонда Ўзбекистон бош консуллиги расман очилган эди.
- Ўзбекистоннинг Ўш шаҳридаги бош консуллиги 2022 йилда иш бошлаган бўлиб, Қирғизистоннинг Боткен, Жалолобод ва Ўш вилоятларига хизмат кўрсатади.
Изоҳ (0)