Ўзбекистонда тез орада Халқаро тижорат суди иш бошлайди. Бу ҳақда Шавкат Мирзиёев Тошкент халқаро инвестиция форумидаги нутқида маълум қилди.
Қайд этилишича, Рақамли технологиялар халқаро маркази ҳузурида иш бошлайдиган ушбу суд Ўзбекистон суд-ҳуқуқ тизимида алоҳида ўринга эга бўлади.
Давлати раҳбари сармоядорлар ҳуқуқларини ҳимоя қилишни кучайтириш мақсадида қатор аниқ таклифларни билдирди.
Хусусан, янги таҳрирдаги “Инвестициялар тўғрисида”ги қонун қабул қилинади. Ушбу ҳужжат Жаҳон савдо ташкилоти тартиб-қоидалари ва стандартларига мувофиқ ишлаб чиқилди.
Яқин вақтда саноат зоналари тизимида мутлақо янгича ёндашувлар жорий этилади. Саноат зоналарини бошқаришда хусусий операторлар, жумладан, юқори малакали хорижий компанияларни фаол жалб қилиш амалиёти кенгайтирилади. Махсус иқтисодий зоналар фаолият муддати бўйича чекловлар ҳам бекор қилинади.
Хорижий сармоядорлар учун ерларни ижарага бериш муддати 25 йилдан 49 йилгача, яъни икки баробарга узайтирилади. Бунда, қонунлар билан кафолатланган амалдаги имтиёз ва преференсиялар тўлиқ сақлаб қолинади.
Изоҳ (0)