Германияда Хитой фойдасига жосуслик қилган парламент депутати ёрдамчиси ҳибсга олинди

Германияда Европарламент депутати ёрдамчиси Хитойга жосуслик қилганликда айбланиб, ҳибсга олинди. Бу ҳақда CNN нашри хабар берди.

Манбада айтилишича, Германия фуқароси Жиан Г. (Германия расмийлари одатда гумондорларнинг исмлари ва фамилияларининг бош ҳарфларини оммага маълум қилади) 23 апрель куни махсус хизматлар томонидан Саксония штатининг Дрезден шаҳрида ҳибсга олинган. У Европарламент депутати Максимилиан Краҳнинг ёрдамчиси бўлиб ишлаган. Гумонланувчининг уйи тинтув қилинган, унинг турар жойлари тинтув қилинган.

Европарламент гумонланувчининг мансаб фаолиятини тўхтатиб қўйган. У билан яқин алоқада бўлганларни текширишни буюрган.

Прокурорларнинг таъкидлашича, гумонланувчи январь ойида Европа парламентидаги музокаралар ва қарорлар ҳақидаги маълумотларни Хитойга узатган. Краҳ идораси раҳбари CNN телеканалига берган маълумотида гумонланувчининг Дрезденда ҳибсга олинганини тасдиқлаган.

Олдинроқ Германиянинг иккита ҳудудида Хитой фойдасига жосуслик қилганликда айбланиб, икки эркак ва бир аёл ҳибсга олинган эди. Шунингдек, Буюк Британияда ҳам икки эркак Британиянинг расмий давлат сирлари тўғрисидаги қонунини бузганликда айбланиб, ҳибсга ташланган.

“2024 йил январь ойида айбланувчи Европарламентдаги музокаралар ва қарорлар ҳақидаги маълумотларни ўзининг разведка хизмати мижозига такрор ва такрор етказиб турган. Шунингдек, у Германиядаги хитойлик мухолифат вакилларига нисбатан Хитой разведкаси хизмати учун жосуслик қилган”, — дейилади Дрезден полицияси хабарида.

Германия ички ишлар вазири Ненси Файзер, агар Европарламент депутати ўринбосарига қарши айбловлар тўғри бўлса, бу “Европа демократиясига ичкаридан ҳужум” бўлганини англатишини айтган.