Қашқадарё, Жиззах ва Тошкент вилоятининг тоғли ҳудудларида қор ёғиб ўтди. Апрель ойи охиридаги бу ёғингарчилик мевали дарахтларга қай даражада таъсир қилиши ҳақида Қишлоқ хўжалиги вазирлиги матбуот хизмати раҳбари Дилшод Назиров “Дарё”га изоҳ берди.
Ҳаво совуқ уриш даражасида эмас, — деди Дилшод Назиров.
Иқлимшунос олим Эркин Абдулаҳатов “Дарё”га маълум қилишича, бундай ҳаво ҳарорати инсон танаси, физиологияси ҳақиқий қийматдан пастроқ қийматларда “ҳис қилишига” олиб келади.
Жорий антициклоннинг кириб келиши тоғларда ҳавонинг тўйинишини ва ёғаётган ёғингарчиликни кристалл кўринишга олиб келади, бу қор дегани. Жойларда антициклон кириб келишида шамоллар кузатилиб, ҳаво ҳарорати тез пасаймоқда. Бу ҳароратни ҳис қилиш ҳам шамол ҳисобига сезиларли паст. Масалан, ҳаво ҳарорат +20 даража бўлганда 5-6 метр/секунд тезликда шамол эсаётган бўлса, инсон танаси ҳавони 7-8 даража илиқ ҳис қилишига олиб келади. Бу ҳис қилиш жараёни дейилади. Бундай ҳаво ҳарорати республиканинг катта ҳудудида, жумладан, Тошкентда ҳам кузатилмоқда, — дейди иқлимшунос олим.
“Ўзгидромет” 28 апрель куни кузатиладиган об-ҳаво прогнозига кўра, ёғингарчилик кутилмайди. Шамол 7-12 м/с тезликда эсади, баъзи жойларда 15-20 м/с гача кучаяди, айрим жойларда чанг-тўзонлар билан кузатилади. Ҳарорат 18-23° бўлади.
Пойтахтда ёғингарчилик кутилмайди. Шамол 5-10 м/с тезликда эсади. Ҳарорат 18-20° бўлади.
Тоғ олди ва тоғли ҳудудларда вақти-вақти билан қисқа муддатли ёмғир ёғади, момақалдироқ бўлиши мумкин, баланд тоғларда ёғингарчилик (ёмғир, қор) бўлиши мумкин. Сел-сув тошқин ҳодисалари юзага келиши мумкин. Тошкент ва Наманган вилоятларининг тоғли ҳудудларида (2000 м дан юқорида) қор кўчиши хавфи бор. Шамол 7-12 м/с тезликда эсади. Ҳарорат 7-12° бўлади.
Изоҳ (0)