Ўзбекистонда айни пайтда ишлаётган пенсионерлар ҳақида маълумот берилди.
Камбағалликни қисқартириш ва бандлик вазирлигига кўра, ишлаётган пенсионерлар сони 579 995 нафар:
- Давлат ташкилотларида — 251 919 нафар (43,5 фоиз);
- Хусусий субъектларда — 328 076 нафар (56,5 фоиз).
Ишловчи пенсионерлар орасида аёлларнинг фаоллиги кузатилмоқда:
- Эркаклар — 234 598 нафар (40,4 фоиз);
- Аёллар — 345 397 нафар (59,6 фоиз).
Фуқаро бир вақтнинг ўзида икки турдаги пенсияни олиши мумкинми?
Айрим ҳолатларда фуқароларда бир вақтнинг ўзида икки турдаги пенсияни олиш учун ҳуқуқи пайдо бўлади. “Фуқароларнинг давлат пенсия таъминоти тўғрисида”ги қонуннинг 4-моддасига кўра, давлат пенсияларининг турли хилларини олиш ҳуқуқига эга бўлган фуқароларга уларнинг ўзлари танлаган битта пенсия тайинланади.
Яъни агар фуқароларда икки ёки ундан ортиқ пенсияни олиш учун ҳуқуқ пайдо бўлганда, юқоридаги қонун моддасига асосан, фуқаронинг танлови билан фақат битта турдаги пенсияни олиши мумкин бўлади.
Изоҳ (0)