Таниқли инсонларнинг телефон билан боғлиқ турли одатлари бор: кимдир ижтимоий тармоқлардан умуман фойдаланмайди, кимдир эса смартфон ўрнига оддий телефон ишлатишни афзал кўради. Google компаниясининг бош директори — миллиардер Сундар Пичаи эса 20 та смартфондан фойдаланади!
Журналистларга берган интервьюсида Сундар иш вақтида 20 та уяли алоқа техникасидан фойдаланиши ҳақида айтиб ўтди. Гап шундаки, Google’нинг турли сервисларини телефонларнинг ҳар хил маркасида синаб кўриш керак. Шу тариқа компания турли хилдаги смартфон фойдаланувчилари учун Google хизматларини оптималлаштиришга эришади.
Шунингдек, Google бош директори фойдаланувчиларни ўз киберхавфсизлигига нисбатан масъулиятли бўлишга чақирди. Сундар тармоқлардаги паролларини камдан-кам ҳолларда ўзгартиради ҳамда икки факторли аутентификацияга ишонади.
Унинг айтишича, Сундар фарзандларини смартфонлардан чекламайди, аммо болалар экран вақтини камайтиришга ўзлари қарор қилган.
Изоҳ (0)