Покистон ҳукуматининг Афғонистонда жойлашган мухолиф гуруҳлари Исломободнинг иқтисодий манфаатларини нишонга олмоқда. Бу ҳақда Покистон ҳарбий қўмондонлари 16 апрель, сешанба куни мамлакат армияси раҳбари генерал Сайид Асим Мунир раислигида ўтган йиғилишда айтиб ўтди.
Покистон армияси баёнотида ушбу учрашув “Толибон” ҳукмронлиги остидаги Афғонистон ҳудудидан “террорчи гуруҳлар”нинг эҳтимолий таҳдидларини бартараф этиш мақсадида ўтказилгани маълум қилинган.
Покистон ҳарбий расмийлари аниқ бир гуруҳ номини айтмай, Афғонистонда жойлашган жангарилар минтақа ва дунё хавфсизлигига таҳдид солаётганини айтди.
Pakistan Today хабарига кўра, қўмондонлар яқинда Хайбар-Пахтунхва вилоятида хитойлик муҳандисларни олиб кетаётган машинага жангарилар томонидан уюштирилган ҳужум ва Покистоннинг Балужистон вилоятида тинч аҳолини олиб кетаётган машинага қилинган ҳужумни қоралаб, жангарилар бу давлатнинг иқтисодий манфаатларини, хусусан, Хитой ва Покистоннинг иқтисодий коридорини нишонга олганини айтган.
Аввалроқ ҳам Покистон ҳукумати Афғонистондаги мухолиф жангариларининг фаолиятидан хавотир билдирган эди.
“Толибон” ҳозирча бу баёнотларга муносабат билдирмаган, бироқ бунгача бу ҳаракат расмийлари Афғонистонда Покистон ҳукуматига қарши жангарилар борлигини инкор этиб, Афғонистон тупроғи ҳеч қайси давлатга қарши ишлатилмаслигини айтган.
Изоҳ (0)