Малида 31 март куни 80 дан ортиқ сиёсий партиялар ва фуқаролик гуруҳлари алоҳида баёнотлар эълон қилиб, мамлакатда президентлик сайлови ўтказишни тезлаштириш ҳақида талаблар билан чиқди. Бу ҳақда Anadolu нашри хабар берди.
Хабарда айтилишича, ҳукуматга қарши норозилик билан чиққанлар ҳарбий хунтани президентлик сайловларини имкон қадар тезроқ ўтказишга ва ўтиш даври ҳарбий бошқарувини тугатишга чақирган.
“Ҳозирда мамлакат жуда катта қийинчиликларни бошидан кечирмоқда. Ҳукумат ўтиш даврининг барча муаммоларини ҳал қила олмайди. Бу ҳолатга чек қўйиш вақти келди. Сайлов ўтказилиши 26 мартдан бери кечиктирилиб келмоқда. Бу мумкин эмас”, — дея баёнот берган 50 га яқин маҳаллий ташкилотларни бирлаштирган Малидаги Инсон ҳуқуқлари ҳимоячилари тармоғи.
Полковник Ассими Гоита бошчилигидаги ўтиш даври ҳукумати раҳбарлари 2024 йил 26 мартда фуқаролик бошқарувини тиклаш ҳақида халққа ваъда берган эди. Расмийлар февраль ойида президентлик сайловларини ўтказишни режалаштирган эди, бироқ якунда бу ҳодиса “техник сабабларга кўра” номаълум санага қолдирилган.
Мамлакатни ҳозирда ҳарбий хунта бошқармоқда.
Изоҳ (0)