Бухоро вилояти ҳокими Ботир Зарипов қарори билан иссиқлик ва иссиқ сув таъминотининг янги тарифлари тасдиқланди.
Қарор 30 март куни эълон қилинган бўлиб, шу кундан кучга кириши белгиланган.
Унга кўра,
- марказий иситиш хизмати бўйича иситиши даврининг бир кунида бир квадрат метр иситиладиган майдон учун 147,2 сўм (ҚҚСсиз);
- марказий иситиш хизмати бўйича 1 Гкал иссиқлик энергияси учун 77 440 сўм;
- иссиқ сув таъминоти бўйича ҳисоблаш асбоби бўлмаганда бир ойда бир кишига 16 541 сўм;
- иссиқ сув ҳисоблагичи бўлганда бир куб метр иссиқ сув учун 4305,7 сўм этиб белгиланди.
Бюджет ва бошқа юридик истеъмолчилар учун 1 Гкал иссиқлик энергияси нархи 373 200 сўм (ҚҚСсиз) бўлди.
Февраль ойида Тошкент шаҳрида ҳам иссиқлик таъминоти нархлари ошиши эълон қилинганди. Нархлар иситиш тизими тугагач амалга киритилиши белгиланган. Унга кўра, аҳолига иссиқлик таъминоти ва иссиқ сув таъминоти хизматлари учун янги чакана тариф 15 фоиз ўсиб, 2019 йилдан бери амалда бўлган 91 960 сўм/Гкал ўрнига 105 754 сўм/Гкални ташкил этади.
Изоҳ (0)