Buxoro viloyati hokimi Botir Zaripov qarori bilan issiqlik va issiq suv ta’minotining yangi tariflari tasdiqlandi.
Qaror 30-mart kuni e’lon qilingan bo‘lib, shu kundan kuchga kirishi belgilangan.
Unga ko‘ra,
- markaziy isitish xizmati bo‘yicha isitishi davrining bir kunida bir kvadrat metr isitiladigan maydon uchun 147,2 so‘m (QQSsiz);
- markaziy isitish xizmati bo‘yicha 1 Gkal issiqlik energiyasi uchun 77 440 so‘m;
- issiq suv ta’minoti bo‘yicha hisoblash asbobi bo‘lmaganda bir oyda bir kishiga 16 541 so‘m;
- issiq suv hisoblagichi bo‘lganda bir kub metr issiq suv uchun 4305,7 so‘m etib belgilandi.
Byudjet va boshqa yuridik iste’molchilar uchun 1 Gkal issiqlik energiyasi narxi 373 200 so‘m (QQSsiz) bo‘ldi.
Fevral oyida Toshkent shahrida ham issiqlik ta’minoti narxlari oshishi e’lon qilingandi. Narxlar isitish tizimi tugagach amalga kiritilishi belgilangan. Unga ko‘ra, aholiga issiqlik taʼminoti va issiq suv taʼminoti xizmatlari uchun yangi chakana tarif 15 foiz o‘sib, 2019-yildan beri amalda bo‘lgan 91 960 so‘m/Gkal o‘rniga 105 754 so‘m/Gkalni tashkil etadi.
Izoh (0)