Ўзбекистоннинг бешта вилояти электр таъминотида узилишлар содир бўлди, деб хабар бермоқда Энергетика вазирлиги ахборот хизмати.
Унга кўра, соат 14:45 да Қашқадарё вилоятидаги “Толимаржон” иссиқлик электр станциясининг 2 та буғ-газ қурилмасида носозлик юзага келган. Бунинг натижасида Сурхондарё, Қашқадарё, Самарқанд, Бухоро ва Жиззах вилоятларининг айрим ҳудудларидаги истеъмолчиларга электр энергияси етказиб беришда қисқа муддатли узилишлар кузатилган.
Соат 15:10 да (25 дақиқада) юқоридаги барча истеъмолчилар захира манбалар ёрдамида электр энергияси билан тўлиқ таъминланган. Ҳозирги вақтда мазкур станциянинг махсус бригадаси томонидан носозликни бартараф этиш ишлари олиб борилмоқда.
Вазирлик келтирилган ноқулайликлар учун истеъмолчилардан узр сўради.
Изоҳ (1)
6 viloyat desangiz ham bo'ladi, kecha Xorazm viloyati Urganch tumannida ham elektr uzilishi bo'ldi. Ertalab 10 da o'chib kechqurun 9 da yondi.