“Ўзсаноатқурилишбанк” томонидан “Ўзсаноатқурилишматериаллари” уюшмаси билан ҳамкорликда ташкил этилган “Тадбиркорлар мактаби” ўқув марказининг ҳудудий филиалларида айни пайтда 120 дан ортиқ тингловчилар таҳсил олиб, қурилиш материаллари ишлаб чиқариш соҳасида замонавий билим ва кўникмаларга эга бўлишмоқда.
Таъкидлаш керакки, ҳудудларда “Тадбиркорлар мактаби” ўқув маркази филиаллари ташкил қилишда қурилиш материаллари ишлаб чиқарувчи корхоналар, тармоқ ташкилотлари ҳамда кенг жамоатчилик вакилларининг талаб ва таклифларига устуворлик берилган.
Бугунги кунда Марказнинг Жиззах, Нукус, Урганч, Самарқанд, Фарғона филиаллари фаолият юритиб, уларда жорий йилдаги дастлабки мавсумда 120 дан ортиқ тингловчилар таҳсил олмоқда.
Эътиборлиси, таълим жараёнларига маҳаллий мутахассислар билан бир қаторда хорижий профессор-ўқитувчилар жалб қилинган. Машғулотлар Германия, Туркия, Венгрия ва Испания таълим дастурлари асосида олиб борилмоқда.
Жорий мавсум тингловчилари учун ўз ҳудудларидаги “Базалт” кластери, “Веро гроуп”, “Нукус полимер”, “Экокерама” каби ишлаб чиқариш корхоналарида амалий машғулотлар ўтказиш белгиланган.
Эслатиб ўтамиз, ҳозирги кунда Тадбиркорлар мактабига қабул давом этмоқда.
Уларда таълим олиш ва лойиҳаларни қўллаб-қувватлаш – мутлақо бепул.
Ўқув маркази расмий сайти: business-assistant.uz
Алоқа маркази телефон рақами: +998 71 254 92 01
Реклама ҳуқуқи асосида.
Изоҳ (0)