АПЛ. “Ливерпуль”дан йирик ҳисобдаги ғалаба. Эллиотдан 100-ўйин (видео)

Футбол бўйича Англия Премьер Лигасининг 26-туридан ўрин олган биринчи баҳс бўлиб ўтди. Унда амалдаги пешқадам “Ливерпуль” ўзининг ўйинини ўтказди.

Учрашувнинг 12-дақиқасида Чидози Огбене меҳмонларни ҳисобда олдинга олиб чиқди. Ўйиннинг биринчи тайми шу ҳисобда якунига етди.

56-дақиқага келиб ҳимоячи ван Дейк ҳисобни тенглаштирди. 2 дақиқа ўтиб Гакпо мезбонларни олдинга олиб чиқди. Диас ва Эллиотнинг голлари ҳисобни йирик кўринишга олиб келди.

Сўнгги гол муаллифига айланган Эллиот ушбу учрашувда ўзининг юзинчи ўйинини ўтказди.  

Ушбу учрашувдан сўнг “Ливерпуль” ўз ҳисобидаги очколар сонини 60 та етказиб олди. 

АПЛ

26-тур

“Ливерпуль” – “Лутон” 4:1

Голлар: 0:1 – 12 Огбене, 1:1 – 56 ван Дейк, 2:1 – 58 Гакпо, 3:1 – 71 Диас, 4:1 – 90 Эллиотт.

“Ливерпуль” – Келлехер, Бредли (Робертсон, 68), ван Дейк, Куанса, Гомес, Эндо, Мак Аллистер (Макконнелл, 89), Гравенберх (Кларк, 78), Эллиотт, Диас (Даннс, 89), Гакпо.

“Лутон” – Камински, Белл, Ошо, Менджи, Даути (Каборе, 74), Баркли, Чонг (Кларк, 63), Локонга (Раддок-Мпанзу, 46), Огбене, Вудроу (Таунсенд, 58), Моррис.

Огоҳлантиришлар: Даути (18), Вудроу (42), Баркли (77), Гомес (82), Каборе (89).