Февраль ойида Ўзбекистон 1,32 миллиард долларлик олтин сотди. Бу ҳақда Статистика агентлигининг ташқи савдо айланмасига боғлиқ ҳисоботида сўз боради.
.jpg)
Қайд этилишича, бу 2023 йилнинг январь февраль ойларидаги кўрсаткичдан (1,18 миллиард доллар) 11,5 фоизга кўп демак. Мамлакатнинг олтин-валюта захиралари эса камайган. Қимматбаҳо металлар мамлакат экспортининг 36,3 фоизини ташкил қилади.
Саноат товарларининг экспортдаги улуши уларни хорижга сотиш ҳажмининг 613,4 миллион доллардан 610,7 миллион долларгача камайиши ва бошқа тоифадаги товарлар экспортининг ошиши фонида 19,2 фоиздан 16,8 фоизга кескин пасайган. Машина ва транспорт ускуналари улуши ҳам 4,4 фоиздан 3,5 фоизга (142,1 миллион доллардан 128,2 миллион долларга) камайган.
Кимёвий маҳсулотлар етказиб бериш 2,9 бараварга — 155,8 дан 240,9 миллион долларга (улуши 4,9 фоиздан 6,6 фоизгача) ошган. Олтинсиз экспорт ҳажми ўтган йилнинг январь—февралига нисбатан 14,9 фоизга ошиб, 2,3 миллиард долларни ташкил этган.
Аввалроқ Ўзбекистоннинг ташқи савдо айланмаси 2024 йилнинг январь февраль ойларида 9,9 миллиард доллардан ошгани тўғрисида хабар берилганди. Ўзбекистон 2023 йилда рекорд даражада — 8,1 миллиард долларлик олтин экспорт қилган.
Изоҳ (0)