WBO чемпиони Тим Сзю Фундорага қарши бирлаштирувчи чемпионлик жангига тайёргарлик кўрмоқда

Биринчи ўрта вазн (-69,9 кг) тоифасида WBO чемпиони Тим Сзю (24-0, 17КО) ижтимоий тармоқдаги саҳифасига машғулотидан суратлар жойлади.

Австралиялик боксчи 31 март куни Лас-Вегас шаҳрида америкалик Себастьян Фундорага (20-1-1, 13КО) қарши рингга кўтарилади. Фундора фаолиятида 22 та жанг ўтказган бўлса, ҳали бирон марта ҳам чемпионлик камари учун рингга чиқмаган.  

Эслатиб ўтамиз, 26 ёшли Себастьян Фундора жароҳат сабаб сафдан чиққан америкалик Кит Турманнинг ўрнини эгаллаганди. Фаолиятидаги ягона мағлубиятини Брайан Мендосадан қабул қилиб олган. Сзю ҳам бўлажак жангга WBO камари ёнга WBC чемпионлик камарини қўшиб қўйиш учун ҳаракат қилади. 

Маълумот учун, биринчи ўрта вазн тоифасида WBA чемпионлик камари Исроил Мадримовга тегишли. Мадримов кейинги жангини Тим Сзю—Себастьян Фундора жанги ғолибига қарши ўтказиши ҳам мумкин.