Америкалик UFC жангчиси Дастин Порье Жастин Гетжи билан жангда мағлуб бўлгач, психотерапиядан ўтишни бошлаганини айтди.
“Гетжи билан жангдан кейин мен ҳақиқий руҳий изтиробни бошдан кечирдим. Ўшандан кейин мен диққат билан шуғуллана бошладим, режаларимни белгилаб олдим ва ҳар куним учун шукр қилишга ҳаракат қилдим. Ҳа, бу жуда қийин.
Ҳар гал Волкановскийнинг нима деганини, ўзини қандай тутиши ва ростгўйлигини кўрганман ва мен ҳам худди шундай вазиятдан ўтдим. Жангдан кейин терапияга бора бошладим. Менимча, ўз фикрларингизни очиш ва ўзингизни қандай ҳис қилаётганингиз ҳақида гапириш жуда муҳим”, — деб Порье сўзларини келтирган Sportskeeda.
АҚШнинг Флорида штатида Тошкент вақти билан 10 март тонгида UFC 299 турнири бўлиб ўтди. Асосий жангда собиқ вақтинчалик чемпион Дастин Порье Франция вакили Бенуа Сен-Дени билан учрашди. Жангнинг иккинчи раундида Порье рақибини нокаутга учратди ва ғалаба қозонди.
Изоҳ (0)