Ўзбекистонда катта ёшдаги аҳолининг 90 фоиздан ортиғи расмий кредит олиш имкониятига эга эмас. Бу ҳақда 19 март куни Марказий банкда микробизнес, кичик ва ўрта тадбиркорликни ривожлантириш масалалари бўйича семинарда тақдим этилган Халқаро молия корпорацияси (IFC)нинг молия бўйича глобал эксперти Мари-Паул Клаeс тақдимотида айтилди.
Статистика агентлиги маълумотларига кўра, 2017 йилдан 2021 йилга қадар расмий молия институтларидан кредит олган Ўзбекистон фуқаролари улуши қарийб уч баробарга — 2,36 фоиздан 7,49 фоизга ошган. Бироқ аёллар орасида қонуний кредиторлар сони 5 фоиздан паст кўрсаткични ташкил этмоқда.
2021 йилда аҳолининг 15 ёшдан катта қисмини фақат 44,13 фоизида банк ҳисоб рақами бўлган — бу 2017 йилга нисбатан 7 фоизга кўп демак.
Бундан ташқари, электрон тўловларни амалга оширган ёки қабул қилган фуқаролар сони 41,72 фоизга, аёллар ўрасида эса 35,86 фоизга етган. Расмий молия институтларида пул маблағларини сақлаётган ёки мобил пул ҳисоб рақамидан фойдаланаётган Ўзбекистон фуқароларининг улуши 3 фоиздан ошмайди.
Аккаунтга кириш учун мобил қурилмалар ёки интернетдан фойдаланиш ҳақидаги маълумотлар 2021 йил учун мавжуд эмас. Аммо 2017 йилда бундай инсонлар улуши 7 фоиздан кам эди, аёл фойдаланувчилар орасида эса 5 фоиздан бир оз ошган.
Изоҳ (0)