Байрам кунлари Тошкент жамоат транспорти ҳаракати қандай ташкил этилиши маълум қилинди

Транспорт вазирлиги ахборот хизмати Наврўз байрами кунлари пойтахтда жамоат транспорти қай тартибда ишлашини маълум қилди.

Наврўз байрамини нишонлаш мақсадида 21—24 март дам олиш кунлари этиб белгилангани муносабати билан, “Тошшаҳартрансхизмат” АЖ автобус саройларига бириктирилган автобус йўналишларининг фаолияти қуйидаги тартибда ташкил этилади:

• 21 март, пайшанба – Наврўз байрами, дам олиш куни. Якшанба кунлари учун тасдиқланган жадваллар асосида;
• 22 март, жума – дам олиш куни. Якшанба кунлари учун тасдиқланган жадваллар асосида;
• 23 март, шанба – дам олиш куни. Якшанба кунлари учун тасдиқланган жадваллар асосида;
• 24 март, якшанба – дам олиш куни. Якшанба кунлари учун тасдиқланган жадваллар асосида.

Тошкент метрополитенининг маълум қилишича, 21-22-23 март — дам олиш кунларида метро поездлари ҳаракати шанба куни жадвал асосида иш фаолиятини олиб боради. Шунингдек, 24 март куни эса метро поездлари якшанба куни учун тасдиқланган жадвал асосида соат 05:00 дан ҳаракатланади.

Аввалроқ Тошкент шаҳар ҳокимлиги матбуот хизмати Наврўз байрами муносабати билан пойтахтни қайси ҳудудларида сайллар ташкил этилиши бўйича маълумот берганди.