Ўзбекистонда 2024 йилнинг январь—февраль ойида 13 276 та янги корхона ва ташкилотлар (фермер ва деҳқон хўжаликларисиз) ташкил этилган. Бу ҳақда Статистика агентлиги маълумот берди.
Маълум қилинишича, иқтисодий фаолият турлари бўйича энг кўп корхона ва ташкилот савдо соҳасида ташкил этилган – 4 792 та.
Шунингдек:
- саноат соҳасида – 2 081 та;
- қишлоқ, ўрмон ва балиқчилик хўжалиги соҳасида – 1 140 та;
- яшаш ва овқатланиш бўйича хизматлар соҳасида – 1 121 та;
- қурилиш соҳасида – 675 та;
- ахборот ва алоқа соҳасида – 563 та;
- ташиш ва сақлаш соҳасида – 448 та;
- соғлиқни сақлаш ва ижтимоий хизматлар кўрсатиш соҳасида – 262 та;
- бошқа соҳаларда – 2 194 та.
Аввалроқ Ўзбекистонда қурилиш соҳасида қанча корхона борлиги ҳақида хабар берилган эди.
Изоҳ (0)