Тиббий ёрдамга муҳтож бўлган фаластинлик болалар Италия самолётида Қоҳирадан Римга учиб кетди. Бу ҳақда Euronews хабар берди.
Ғазодан тиббий ёрдамга муҳтож болалар ва катталарни олиб кетаётган учинчи рейс 10 март куни Мисрдан Италияга етиб келди. Самолёт бортида 45 нафар фаластинлик бўлиб, улардан 8 нафари катталар, 14 нафари болалар ва 23 нафари уларнинг тарбиячи ҳисобланади. Бемор болалар Италиянинг энг яхши педиатрия шифохоналарида даволанади. Уларнинг энг кичиги эндигина 4 ойлик бўлган.
Бу Италиянинг фаластинлик болаларга ёрдам бериш учун учинчи ҳаво операцияси. Ташаббус январь ойи охирида бошланган эди. Италия Ғазога гуманитар ёрдам учун денгиз йўлаги фаоллашиши билан дала касалхонасини юборишга тайёр. Денгиз йўлагини очиш учун Европа Иттифоқи, АҚШ, Бирлашган Араб Амирликлари ва бошқа давлатлар ва ташкилотлар ҳаракат қилмоқда. Ғазо секторида вақтинчалик порт қуриш учун ускуналар олиб кетаётган Америка кемаси 10 март куни Ўрта Ер денгизига йўл олган эди.
Миср — аҳолининг қарийб чорак қисмини очлик ёқасида қолдирган гуманитар инқироз кучайган бир пайтда Ғазога ҳаводан ёрдам юбораётган бир неча давлатлардан бири. БМТнинг Фаластинлик қочқинлар бўйича агентлиги Ғазо шимолидаги вазиятни “фожиали” деб атаган.
Изоҳ (0)