Вашингтоннинг TikTok’ни блокировка қилишга уринишлари “гангстер тактикаси”дир. Хитой Ташқи ишлар вазирлиги АҚШ Конгресси Вакиллар палатаси томонидан машҳур платформани тақиқловчи қонун лойиҳасининг қабул қилинишига шундай муносабат билдирди, деб ёзади Eurоnews
Агар қонун лойиҳаси Сенат томонидан маъқулланса, ByteDance компаниясида ижтимоий тармоқни сотиш учун олти ой вақти бўлади. Акс ҳолда у блокланади.
Бу ҳалол рақобат тамойили ва халқаро иқтисодий ва савдо қоидаларига зиддир, — деди Хитой вазирлиги матбуот котиби Ван Венбин.
Оқ уй Хитой ҳукумати исталган вақтда видеоплатформанинг 170 миллион америкалик фойдаланувчиси маълумотларига кириш имкониятига эга бўлиши мумкинлигига ишониб, платформа АҚШ миллий хавфсизлигига таҳдид солади, деб ҳисоблайди.
Баъзи қонунчилар ва экспертларнинг таъкидлашича, илова Пекинга тўғри келмайдиган контент чиқаришини айтган, разведка идоралари уни АҚШдаги аввалги сайловларда сайлов кампаниясига таъсир кўрсатиш учун TikTok’дан фойдаланишга уринишда айблаган.
Компания раҳбарияти ушбу хизматдан Хитой расмийлари томонидан восита сифатида фойдаланиш мумкинлиги ҳақидаги иддаоларни рад этган.
Бироқ Пекиннинг ўзи ҳозирда Американинг аксарият ижтимоий тармоқларини, жумладан Google, YouTube, Х, Instagram ва Меta’ни блоклаб қўйган.
Изоҳ (0)