Шавкат Мирзиёев Сирдарёнинг Сайхунобод туманидаги видеоселектор йиғилишида Сирдарё вилояти ҳокими ўринбосари ва Сайхунобод ҳокими нега ишдан олинганини айтди.
Президент жойлардаги ва республика даражасидаги раҳбарлар Сайхунободдаги аҳволни яхшилашга эътибор қаратмагани, пастга тушиб ишламагани, фақат йиғилиш ўтказиш билан чекланганини танқид қилди.
Қайд этилишича, туманда 2 минг 400 та ишсиз бор, камбағаллик даражаси — 14 фоиз, маҳаллий бюджет тушуми 27 миллиард сўм, харажати 67 миллиард сўм.
“Бир сўз билан айтганда, Сайхунободда тадбиркорлик ўсмаяпти, Янги Ўзбекистон нафаси сезилмаяпти. Шу боис, вилоят ҳокимининг биринчи ўринбосари, Сайхунобод тумани ҳокими ва унинг биринчи ўринбосари лавозимидан озод этилиб, ўрнига замонавий раҳбарлар қўйилди”, — деди давлат раҳбари.
11 март куни Раҳимжон Бобоев вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари вазифасидан озод этилиб, унинг ўрнига Абдураҳим Умаров тайинланганди. Шу куни Сайхунобод тумани ҳокими Анвар Каримов ўрнига “Микрокредитбанк” акциядорлик-тижорат банки Сирдарё вилояти минтақавий филиали бошлиғи сифатида фаолият юритиб келган Комилжон Муллажонов тайинланди.
Изоҳ (0)