Ўзбекистонда умумий овқатланиш корхоналари 2023 йили қарийб 1 трлн сўмдан ортиқ солиқ тўлади

Ўзбекистонда 2023 йил январь декабрь ойларида умумий овқатланиш фаолияти билан шуғулланувчи 20 378 та юридик шахс томонидан 999,4 млрд сўм солиқ тўланган. Бу ҳақда Солиқ қўмитаси ахборот хизмати маълумот берди. 

Маълум қилинишича, шундан 170,7 млрд сўми, яъни 17,1 фоизи 20 та корхона ҳисобига тўғри келади. Уларнинг жами товар айланмаси 2 трлн сўмдан ошган, қўллаган солиқ имтиёзлари миқдори эса 26,3 млрд сўм. 

Ушбу солиқ тўловчилар томонидан таъминланган тушумлар солиқ турлари кесимида: 

• ҚҚС – 74,4 млрд сўм; 
• Фойда солиғи – 51,6 млрд сўм; 
• ЖШОДС - 33,5 млрд сўм;
• Бошқа солиқлар - 11,2 млрд сўм.

Энг кўп солиқ тўлаган умумий овқатланиш корхоналари орасида ТОП-5 лик қуйидагича:

1. “International Foodchain” МЧЖ – 59,8 млрд сўм;
2. “Маk Food Service” МЧЖ – 43,8 млрд сўм;
3. “Euro Asia Lider Service” МЧЖ – 15,1 млрд сўм;
4. “Савдо” МЧЖ – 6,5 млрд сўм;
5. “Sayohat-Travel” МЧЖ – 5,3 млрд сўм.