Американинг ESPN портали бокс бўйича ўз рейтингини янгилади.
Унга кўра, ўзбекистонлик боксчи Исроил Мадримов (10-0-1, 7КО) биринчи ўрта вазн тоифаси рейтингида 3-ўринга кўтарилди. Боксчи бундан аввал рейтингда 8-поғонада бораётган эди.
Мадримов 8 март куни Саудия Арабистонининг Ар-Риёд шаҳрида ўтказилган проф бокс оқшомида россиялик Магомед Курбановни 5-раундда техник нокаутга учратиб, вакант бўлиб турган WBA чемпионлик камарини қўлга киритган эди. Қайд этиб ўтиш жоиз, Курбанов фаолиятида илк бор мағлубиятга учради.
Янгиланган рейтингда Исроилдан олдинги ўринларни ушбу вазнда собиқ мутлақ жаҳон чемпиони Жермелл Чарло (35-2-1, 19КО) ҳамда WBO камари соҳиби Тим Сзю (24-0, 17КО) банд этган.
Изоҳ (0)