“Ўзкомназорат” инспекциясининг Самарқанд вилоят ҳудудий шуъбаси ҳамда вилоят Электромагнит мослашув хизмати ходимлари томонидан Булунғур ва Жомбой туманлари ҳудудида радиомониторинг тадбирлари ўтказилди. Бу ҳақда инспекция матбуот хизмати хабар берди.
Маълум қилинишича, ушбу туманларда жойлашган умумий овқатланиш манзилларида Baofeng BF999-S русумли 6 дона ҳамда Baofeng BF-M4 русумли 2 дона жами 8 дона радиоэлектрон воситалардан (рация) ноқонуний фойдаланиб келинаётганлиги аниқланиб, умумий овқатланиш манзиллари раҳбарларига тегишли тушунтиришлар берилган.
Фуқаролик мақсадларида фойдаланишга мўлжалланган радиоэлектрон воситаларни қўллаш юзасидан тегишли тавсиялар берилган.
Шунингдек, ушбу қурилмалардан қайта фойдаланган тақдирда Маъмурий жавобгарлик тўғрисидаги кодекснинг 152-моддасига асосан маъмурий жавобгарликка сабаб бўлиши тўғрисида тушунтириб ўтилган.
Изоҳ (0)