Қорақалпоғистонда радиоэлектрон воситалардан тегишли рухсатномалар расмийлаштирмасдан фойдаланаётган шахслар аниқланди. Бу ҳақда “Ўзкомназорат” матбуот хизмати хабар берди.
![](/static/2024/02/08/2024-02-08 17.17.23-CgzRUvoK.jpg)
Маълум қилинишича, 5-7 февраль кунлари “Ўзкомназорат” инспекцияси ҳамда “ЭМММ” ДУКнинг Қорақалпоғистон Республикаси Электромагнит мослашув хизмати ходимлари томонидан Нукус шаҳри ҳудудида радиомониторинг тадбирлари ўтказилган.
Унда 6 нафар фуқаро 31 та радиоэлектрон восита (рация)дан тегишли рухсатнома расмийлаштирмасдан фойдаланиб келаётгани аниқланган.
![](/static/2024/02/08/2024-02-08 17.17.26-bAt2rzGM.jpg)
Тадбир жараёнида фуқароларга радиоэлектрон воситалардан фойдаланиш тартиби тўғрисида тушунтиришлар берилиб, қурилмалар фаолияти тўхтатилди. Улардан тегишли рухсатнома расмийлаштирмасдан қайта фойдаланилган тақдирда “Маъмурий жавобгарлик тўғрисида”ги кодекснинг 152-моддасига асосан маъмурий жавобгарлик чоралари кўрилиши ҳақида огоҳлантирилди.