Исроил халқаро ҳамжамият томонидан босим кучайиб бораётганига қарамай, ҲАМАСга қарши урушни, жумладан Ғазо сектори жанубидаги ҳарбий амалиётини давом эттиради, деб ёзади Тҳе Жерусалем Пост газетаси Исроил бош вазири Биньямин Нетаньяхуга таяниб.
"Халқаро босим бор ва у кучаймоқда, лекин халқаро босим кучайганда, биз бирлашишимиз керак, урушни тўхтатишга уринишларга қарши туришимиз керак", — деди Нетаньяху.
У ҲАМАС гуруҳини бутунлай йўқ қилишга эришишга ваъда берди.
“Исроил Ғазо секторида, жумладан, ҲАМАСнинг сўнгги таянчи бўлмиш Рафаҳдаги амалиётини давом эттиради”, — дея қўшимча қилди бош вазир.
Ғазо секторида сўнгги 24 соат ичида Исроил мудофаа кучлари катта миқдордаги қурол-яроғ ва ўқ-дориларни топди, шунингдек, анклав жанубидаги Хон-Юнис шаҳрининг бир қанча ҳудудларида ҲАМАСнинг бир нечта қўмондонлик пунктларини йўқ қилди. Ғазо секторининг марказий қисмида исроиллик ҳарбийлар ҲАМАС жангчилари гуруҳини йўқ қилди.
Артиллерия Ғазо ва анклавнинг бошқа шаҳарларидаги нишонларни ҳам ўққа тутди.
Изоҳ (0)