38 ёшли исроиллик актриса Гал Гадот 7 март куни тўртинчи қиз фарзандини дунёга келтирди, деб ёзади People нашри. Актрисанинг турмуш ўртоғи — продюсер ва тадбиркор Ярон Версано билан чақалоққа Ори деб исм қўйишди.
Актриса Instagram саҳифасига туғуруқхонада тушган расм жойлади ва қуйидагича изоҳ қолдирди:
Менинг ширин қизалоғим, оиламизга хуш келибсиз. Ҳомиладорлик осон кечмади, лекин биз буни уддаладик. Сизга иброний тилида “менинг нурим” деган маънони англатувчи Ори исмингиз сингари ҳаётимизга ёруғлик олиб келдингиз. Қалбимиз миннатдорликка тўла. Қизларга тўла хонадонга хуш келибсиз. Отангиз ҳам жуда зўр инсон.
Эслатиб ўтамиз, Гал Гадот ва Ярон Версано 2008 йилда турмуш қуришган ва учта қиз фарзанд кўришган: 12 ёшли Алма, 6 ёшли Майа ва 2 ёшли Даниэлла. Гал Гадот “Мўжизакор аёл” фильмининг баъзи саҳналарида ҳомиладорликнинг бешинчи ойида суратга тушган.
Изоҳ (0)